Friday , July 19 2019
Home / ТОЙМ / 7 хоногийн онцлох үйл явдал / Дэлхийн аваргууд баярын, Мэргэжлийн ЗГ-ынхан харууслын “нулимс унагасан” долоо хоног

Дэлхийн аваргууд баярын, Мэргэжлийн ЗГ-ынхан харууслын “нулимс унагасан” долоо хоног

Энэ долоо хоногт нийгэмд болоод ул төрд болсон онцлох үйл явдлыг багц 24 буландаа тоймлон хүргэж байна.

 Мэргэжлийн Засгийн газрыг бүрэн бүрэлдэхүүнээр нь огцрууллаа

МАН-ын нэр бүхийн 30 гишүүн Засгийн газрын огцруулах албан бичгийг өнгөрсөн наймдугаар сарын 23-ны өдөр УИХ-д өргөн мэдүүлсэн билээ. Энэ дагуу энэ сарын 7-ны өдөр УИХ-ын ээлжит бус чуулганаар уг асуудлыг хэлэлцэж Мэргэжлийн Засгийн газрыг огцрууллаа. 16.00 цагт эхэлсэн чуулганы хуралдаан дээрх асуудлыг хэлэлцэж 21.40 минутанд санал хураалт явагдав. Тодруулбал УИХ-ын дарга М.Энхболд Төрийн байгуулалтын байнгын хорооны Ерөнхий сайдыг огцруулах шаардлагагүй гэж үзсэн шийдвэрээр санал хураахад нийт 73 гишүүнээс 42 гишүүн татгалзаж Ж.Эрдэнэбатын Засгийн газрыг 57.5 хувийн саналаар огцрууллаа.

Шигшээ багын тамирчид эх орондоо ирлээ

“Будапешт-2017” Дэлхийн аварга шалгаруулах тэмцээнд амжилттай оролцсон Монголын жүдо бөхийн шигшээ багийн тамирчин, дасгалжуулагчид эх орондоо ирлээ. Тэднийг жүдо бөхийн дэмжигчид, гэр бүлийнхэн нь болон харьяа байгууллагуудын удирдлагууд нь угтан авсан юм. Энэ жилийн тэмцээнд Монголын жүдочид эрэгтэй, эмэгтэй тус бүр есөн тамирчны бүрэлдэхүүнтэй оролцож, нэг алт, нэг мөнгө, дөрвөн хүрэл медаль хүртэж, шагналт тав, долдугаар байр тус тус нэгийг эзэлснээр багийн амжилтаар дэлхийн 126 орноос гуравдугаар байрт шалгарсан билээ.

Ерөнхийлөгч, УИХ-ын дарга нарын холбогдсон хэргүүдийг хэрэгсэхгүй болгожээ

Одоогийн Ерөнхийлөгч Х.Баттулгын нэр холбогдсон “Монголын Төмөр зам ” ТӨХК-тай холбоотой хэрэг, УИХ-ын дарга, МАН-ын дарга М.Энхболдын нэр холбогдсон “60 тэрбум” -ийн хэргүүдийг хэрэгсэхгүй болгосон талаар Нийслэлийн прокурорын газраас мэдээлж, нийгэмд дуулиан тарив.

“МАН-ын удирдах албан тушаалтнууд Төрийн албыг ашиг болгон үнэлж “60 тэрбум” төгрөг босгосон гэх хэрэг хаагдав

Прокурорын шийдвэр :

2016 оны сонгуулийн үр дүнгээс хойш төрийн албанд ахлахаас дээш албан тушаалд томилогдсон, дэвшин томилогдсон нийт 1446 албан хаагчийн төрийн албанд томилогдсон байдлыг шалгасан. Түүнчлэн Монгол Ардын намаас 2016 оны сонгуулийн өмнө Сонгуулийн ерөнхий хороонд гаргаж өгсөн санхүүгийн тайлан, бусад холбогдох санхүүгийн баримт, материал, нэр бүхий хүмүүсийн дансны хөдөлгөөн, Монгол Ардын намд 2016 оны сонгуулиар авсан хандив, тусламж өгсөн хувь хүн, албан тушаалтан, хуулийн этгээдүүдийг шалгасан.

Дээрх шалгалтын хүрээнд хэрэгт цугларсан нотлох баримтуудаар Монгол Ардын намын дарга М.Энхболд, Нийслэлийн Монгол ардын намын дарга Ц.Сандуй, түүний зөвлөх А.Ганбаатар нар төрийн албан тушаалыг үнэлж, бусдаас хахууль авч, төрийн эрх мэдлийг хууль бусаар авсан, сонгуулийн үйл ажиллагаа, үр дүнд хууль бусаар нөлөөлсөн гэх нөхцөл байдлууд тогтоогдоогүй тул прокуророос хэрэг бүртгэлтийн хэргийг хааж шийдвэрлэсэн.

Монгол Ардын намын дарга М.Энхболд, Нийслэлийн Монгол Ардын намын дарга Ц.Сандуй, түүний зөвлөх А.Ганбаатар нарын дуу хоолой бүхий аудио болон видео бичлэг нь эвлүүлэг болох нь тогтоогдов

Прокурорын шийвэр :

Олон нийтэд тараагдсан М.Энхболд, Ц.Сандуй, А.Ганбаатар нарын зургийг оруулсан мөн бичгийн хэлбэрээр текст оруулсан дуу, дүрсний бичлэгийн хувьд эвлүүлэг, монтаж хийгдсэн байна гэсэн шинжээчийн дүгнэлт гарсан. Өөрөөр хэлбэл 3 хүний харилцан яриа бүхий дууны бичлэгт эвлүүлэг хийж дүрс, текст оруулж монтаж хийсэн гэдэг нь тогтоогдсон. Харин сүүлд шинээр гарч ирсэн зөвхөн дууны бичлэг болох 40 минут, 162 минутын гэх бичлэгүүд нь Шүүхийн шинжилгээний тухай хуулийн 24 дүгээр зүйлийн 24.1 дэх хэсэгт заасан “Шинжилгээний обьект нь эх хувь байна” гэсэн шаардлагыг хангаж чадаагүй учраас шинжилгээ хийж дүгнэлт гаргах боломжгүй гэсэн хариуг шинжилгээний байгууллагаас гаргасан.

“Монголын төмөр зам” ТӨХК-тай холбоотой Монголын төмөр замын суурь бүтэц барих ажлыг хууль бусаар явуулсан хэрэгт төрийн нэр бүхий албан тушаалтнууд холбогдсон хэргийг хэрэгсэхгүй болгов

Прокурорын шийдвэр :

Зам тээврийн сайдаар ажиллаж байсан А.Гансүхтэй бүлэглэн Концессын хууль холбогдох бусад дүрэм журмыг зөрчин Гашуун сухайт Ухаа худаг чиглэлийн 267 км төмөр замын суурь бүтэц барих, ашиглах, шилжүүлэх концессын гэрээг хууль бусаар “Самсунг Си энд Ти” компанид шилжүүлсэн зэрэг үйлдэл нь хавтаст хэрэгт авагдсан нотлох баримтуудаар хангалттай нотлогдон тогтоогдоогүй байна гэж дүгнээд  холбогдогч Х.Баттулгыг Эрүүгийн хуулийн тусгай ангийн 22.1 дүгэрэ зүйлийн 3 дахь хэсэгт зааснаар яллагдагчаар татах мөрдөгчийн саналыг хэрэгсэхгүй болгон шийдвэрлэсэн хэмээн шийдвэрлэсэн байна.

ФБ сэтгэгдэл

Check Also

ГТЕГ сугалааны 400 саяын ”Шоу” А.Цэенпилийг золигт гаргав уу

ГТЕГ-ын санаачлан хэрэгжүүлж буй НӨАТ-ын сугалааны урамшуулал тараа таниулж эхэллээ. Хагас жил орчим явагдаж байгаа …